Роналду чемпион, аммо Месси тўпурар бўлди

“Барселона” жамоаси  ҳужумчиси Лионель Месси 4 йилдан сўнг яна Испания чемпионати тўпурарига айланди.

Аргентиналик футболчи якунига етган мавсум 34 ўйинда жами 37 та гол уришга муваффақ бўлди. Иккинчи ўринни “Барселона”нинг яна бир ҳужумчиси – 29 та гол урган Луис Суарес эгаллаган бўлса, “Реал” етакчиси ва мамлакат чемпиони Криштиану Роналду 25 та гол билан учинчи бўлди.

Эслатиб ўтамиз, Месси сўнгги марта 2012/13 йилги мавсумда тўпурар бўлганди. 2013/14 ва 2014/15 йилги мавсумларда Криштиану Роналду “Олтин бутса” соҳиби бўлган. 2015/16 йилги мавсумда эса Луис Суарес Ла Лиганинг энг яхши тўпурари бўлганди.