Роналду фаолиятини қайси жамоада давом эттириши маълум
Мадриднинг "Реал" клуби ҳужумчиси Криштиану Роналду фаолиятини қайси жамоада давом эттириши борасида аниқлик киритиб олди.
El Mundo Deportivo нашри тарқатган хабарга кўра 33 ёшли португалиялик футболчи уни дунёнинг энг кўп маош олувчи футболчиларидан бирига айлантиришни ваъда қилаётган ПСЖ сафига ўтмоқчи. Роналдуга бу жамоанинг нафақат пуллари, балки футболда режалаштирган улкан лойиҳаси ҳам маъқул келмоқда. Криштиану унинг жамоага қўшилиши, ваниҳоят ПСЖга Чемпионлар лигасида зафар қучишга ёрдам беради деб ҳисобламоқда.
Эслатиб ўтамиз, "Реал" бундан аввалроқ Роналдунинг трансфер нархини 300 млн еврога баҳолаётгани ҳақида хабарлар тарқалган эди.
Фикрлар