Рўзиқул Бердиев: Биринчи даврадаги “Обод” кучли эди

“Обод” – “Насаф” учрашувидан сўнг Рўзиқул Бердиев ўйин борасида ўз фикрларини билдириб ўтди.  

- Жамоалар ўз савиясида ҳаракат қилишди. Бу баҳсда клубларнинг савияси кўриниб қолди. “Обод”нинг сўнгги учрашувларини кузатганимизда улар қисқа пасларга эътибор қаратишган. Биз эса уларга қарши тактика танлаб зафар қучдик. Қолаверса, майдон марказида прессинг қўллаганимиз ҳам иш берди.  

Биринчи даврада “Обод”га қарши беллашувда жуда қийналгандик. Аммо иккинчи даврадаги “Обод” билан фарқи бор. Қолаверса, дастлабки даврадаги “Обод” кучли эди.  

Кеча “Тошкент дербиси”ни стадионда кузатдик. Кеча янги келган легионерларнинг савиясини билиш учун учрашувга бордим. “Локомотив” мағлуб бўлди. Аммо улар чемпионликни бериб қўйишмаса керак. Чунки орада ҳали ҳам катта фарқ бор, - дейди Бердиев.  

Фикрлар

Фикр қолдириш учун авторизациядан ўтинг!