Румменигге Тухелнинг "Бавария"га келишини инкор этмади

Мюнхеннинг “Бавария” клуби раҳбарияти ҳамон Томас Тухелни жамоага таклиф қилиш фикридан қайтмаяпти. Дортмунднинг “Боруссия” клуби собиқ бош мураббийи катта эҳтимол билан мавсум якунлангач немис гранди бошқарувини ўз қўлига олади. Бу ҳақда клуб ижрочи директори Карл-Хайнц Румменигге айтиб ўтди.

“Томас Тухел “Бавария”да? Буни инкор этмайман. Хайнкеснинг тайинланишига келсак, жамоа бу билан Тухелга қарши чиқмади, шунчаки Юппнинг фойдасига қарор қабул қилди”, - дейди Румменигге.

Эслатиб ўтамиз, “Бавария” ўтган ҳафтада Юпп Хайнкес билан жорий мавсум якунига қадар шартнома имзолаган эди.