Руни Хитой клуби таклифи бўйича сўнгги қарорини эълон қилди
Кейинги пайтда "Манчестер Юнайтед" сардори Уэйн Рунининг Хитой чемпионатига йўл олиши кўп муҳокама қилинаётган мавзуга айланди. Бу кўп жиҳатдан жамоа тарихидаги энг зўр тўпурарни кейинги пайтда асосий таркибдаги жойини йўқотиб қўяётгани билан боғлиқ. Қолаверса бош мураббий Жозе Моуриньо ҳам Руни жамоада қолишини кафолатламаслигини билдирди.
Айни пайтда Хитой чемпионати вакиллари орасида фақат учта клубда легионерлар бўйича лимит тўлгани йўқ. "Цзянсу Сунин", "Тяньцзинь Сунцзян" ва "Бейцзин Гоань" ўз таркибига хорижлик футболчиларни қўшиб олиш имконига эга. Шунингдек, Хитойнинг бошқа клублари ҳам Уэйн Руни учун бирор хорижлик футболчисидан воз кечиб, унга жой очишга ҳам тайёр.
Шундай бўлса-да, Уэйн Руни Хитой чемпионатига бормасдан, фаолиятини "Манчестер Юнайтед"да давом эттирадиган бўлди.
Жорий мавсумда Руни барча турнирларда 29 та ўйин ўтказиб, бешта гол урди ва 10 та голли пас узатди.
Фикрлар