Сабина финалда, Нигина ярим йўлда қолди
Фарғонада хотин-қизлар ўртасида ўтказилаётган халқаро теннис турнирининг финалчилари аниқланди.
Биринчи рақамда сараланган Сабина Шарипова ярим финалда украиналик Валерия Страхова билан куч синашди. Икки соату 15 дақиқа давом этган беллашув ҳамюртимизнинг 4:6, 6:2, 7:6 ҳисобидаги ғалабаси билан якунланди.
Нигина Абдураимова эса ярим финал учрашувини россиялик Елена Рибакинага қарши ўтказди. Бу баҳсда россиялик теннисчи осон ғалабага эришди - 6:2, 6:1.
Энди финалда Сабина Шарипова Елена Рибакинага қарши кортга чиқади.
Фикрлар