Сабинанинг ўйинига мухлису мутахассислар тан берди
Ўзбекистоннинг қизлар ўртасидаги энг кучли теннисчиси Сабина Шарипова Аёллар теннис уюшмаси - WTA мусобақалари тақвимидан жой олган "ALYA WTA Malaysian Open - 2017" турнирида муваффақият қозонмоқда.
Малайзия пойтахти Куала-Лумпур шаҳри мезбонлик қилаётган мусобақанинг саралаш турнирида мезбонлар вакиласи Теивия Селваражони 6:1, 6:2, нидерландиялик Синди Бургерни 4:6, 7:6, 7:6 ҳисобида мағлубиятга учратган Сабина Шарипова бугун асосий тўртдаги биринчи учрашувини ўтказди.
Ҳамюртимиз дастлабки босқичда Хитой Тайпейи вакиласи Се Шувэйга қарши кортга чиқди. Ушбу учрашувда Сабина ҳужумкор ўйин кўрсатди ва рақибасини 7:5, 5:7, 6:1 ҳисобида мағлубиятга учратди.
Сабина Шарипова иккинчи даврада нидерландиялик Лесли Керкховега қарши кортга чиқади.
Фикрлар