Сампаоли Аргентинанинг мундиалга чиқишига шубҳа қилмаяпти

Аргентина терма жамоаси бош мураббийи Хорхе Сампаоли кеча Перуга (0:0) қарши баҳсда қайд этилган дурангдан сўнг ҳам жаҳон чемпионатига чиқишга шубҳа қилмаяпти.

“Жаҳон чемпионатига чиқишимизга асло шубҳа қилмайман. Биз айни дамда кўрсатаётган ўйинимиз билан Россияга бормасак адолатсизлик бўлади. Бугунги баҳсда катта устунликка эришдик, аммо рақиб ҳимоясини ёриб ўта олмадик”, - дейди Сампаоли.

Эслатиб ўтамиз, саралашнинг ўтган 17 туридан сўнг ҳисобида 25 очко бўлган Аргентина айни дамда жадвалда 6-поғонани эгаллаб турибди. Қайд этиш лозимки, ФИФА Жанубий Америка қитъасига мундиал учун 5,5та ўрин ажратган. Шундан келиб чиқиш мумкинки Аргентинанинг ҳозир эгаллаб турган ўрни жаҳон чемпионати йўлланмасини бермайди.