Санжар Рашидов “Сўғдиёна”нинг май ойидаги энг яхши футболчиси

7 июнь, 19:50 186

Санжар Рашидов “Сўғдиёна”нинг май ойидаги энг яхши футболчиси

 

Сўнгги 4 кун давомида “Сўғдиёна” клубидаги расмий телеграм каналида муҳлислар ўртасида сўровнома ўтказилди. Бу ҳақда клуб матбуот хизмати хабар бермоқда.

Сўровномада 40% овоз тўплаб Санжар Рашидов “Сўғдиёна”нинг май ойидаги энг яхши футболчиси бўлди. Жиззахликлар сардори апрель ойида ҳам сўровномада энг кўп овоз тўплаган эди.

Шунингдек, жамоа хужумчиси Ихтиёр Тошпўлатов 14% овоз тўплаб иккинчи ўринни қайд этди. Элёр Орифов эса 13% овоз тўплаб 3 ўринни қайд этди.

“Сўғдиёна” май ойида 6 та ўйин ўтказиб, жамоа сардори икки баҳсда “Машъал” ва “Шўртан” жамоалари дарвозасини ишғол қилди. Айтиб ўтиш керакки, унинг ягона голи евазига “Сўғдиёна” “Шўртан”ни ўз ўйида енгди.

Ижтимоий тармоқлар

Бизни ижтимоий тармоқларда кузатиб боринг!

.