Санжар нега курашмади?

 

Қатарда ўтказилаётган "Фьючерс" турнирида Санжар Файзиев иштирокини чорак финалда тўхтатди.

 

Тажрибали теннисчимиз дастлабки икки учрашувда Мирко Кутули ва Сезар Тестонини мағлубиятга учратиб, чорак финалга чиққан эди.

 

Ярим финал йўлланмаси учун бўлган беллашувда ҳамюртимиз франциялик Мэтью Ройга қарши кортга чиқди. Бироқ биринчи четда 1:5 ҳисобида ортда қолаётган ўзбекистонлик теннисчи курашни давом эттирмаслигини билдирди.

 

Шу тариқа, Санжар турнирни эрта тарк этди.