Санжарбек Раҳмонов бугун Флойд Мэйвезер кўз ўнгида жанг қилади
Бугун Флойд Мэйвезерга қарашли “Mayweather Promotions” промоутерлик компанияси ташкил этган профессионал бокс кечасида ушбу ташкилот билан ҳамкорлик қилаётган ҳамюртимиз Санжарбек Раҳмонов (6-0-1, 3 КО) навбатдаги жангини ўтказади.
Калифорния штатида бўладиган жангда Санжарбек Раҳмоновга қарши жанг АҚШ шарафини ҳимоя қилаётган мексикалик Хосе Марруфога (10-5-2) қарши рингга чиқади.
25 ёшли Хосе Марруфо профессионал боксчилик фаолиятини 2011 йили бошлаган ва шу кунгача 10 та учрашувда ғалаба қозонган. Шунингдек, бу боксчи бешта мағлубият ва иккита дуранг ҳам қайд этган.
Санжарбек Раҳмонов эса професионал рингда 2015 йилдан буён жанг ўтказмоқда. Ҳаваскорлар боксида катта тажрибага эга бўлган ҳамюртимиз шу кунгача олтита ғалаба ва битта дуранг қайд этган.
Санжарбек Раҳмонов ва Хосе Марруфо жанги саккиз раунд қилиб белгиланди.
Жанг тафсилотлари билан SPORTS.uz ахборот порталида танишишингиз мумкин.
Фикрлар