Сардор Азмун ЖЧ-2018дан сўнг "Реал"да ўйнамоқчи

Эрон терма жамоаси ҳамда Қозоннинг “Рубин” клуби ҳужумчиси Сардор Азмун келгуси йил бўлиб ўтадиган мундиалдан сўнг жамоасини ўзгартириши мумкинлиги ҳақида айтиб ўтди.

“Мен етакчи чемпионатлардан бирида ўйнашни истайман. Бу ҳақдаги қароримни эса ЖЧ-2018дан сўнг эълон қиламан.

Мен ўзимга шундай жамоа топишим керакки, у ерда асосий таркибда ўйнашим керак. Чунки, бир ой заҳира ўриндиғида ўтирган футболчи ўз спорт формасини йўқотиб қўйиши табиий.

Менинг орзуим? “Реал”да ўйнашни истайман. Боиси, болалигимданоқ ушбу жамоа юрагимда яшайди”, - дейди эронлик футболчи.