Сарри: "Ювентус"ни қувиб ўтиш учун қўлимиздан келган барча ишни қиламиз

"Наполи" клуби бош мураббийи Маурицио Сарри кеча А Серия доирасида бўлиб ўтган "Удинезе"га (4:2) қарши баҳсдан сўнг ўз фикрларини билдириб ўтди.

“Энди “Ювентус”ни қувиб ўтиш учун қўлимиздан келган барча ишни қиламиз. Тўғри, Туринда ғалаба қозониш жуда қийин, чунки “Ювентус” Европанинг энг кучли жамоаларидан бири”, - дейди Сарри.

Эслатиб ўтиш лозимки, кеча “Ювентус” “Кротоне” (1:1) майдонида очко йўқотганидан сўнг неаполликлар билан орадаги фарқ 4тага етди ва табиийки “Наполи”да ҳам чемпионлик учун умид уйғонди.

Маълумот учун, “Наполи” навбатдаги турда Туринда “Ювентус” меҳмони бўлади. Учрашув 22 апрель куни Тошкент вақти билан соат 23:45да старт олади.