“Сельта” ва “Реал” учрашуви пўртана туфайли қолдирилди

Галисияда юзага келган пўртана туфайли “Сельта” клубига тегишли “Балайдос” стадиони зарар кўрди. Маълумотларга кўра, табиий офат оқибатида “Балайдос” стадиони томининг бир қисмини учиб кетган.

Об-ҳаво шароити яхшиланмади ва мутасаддилар учрашувни бошқа кунга қолдиришга қарор қилди.

Мазкур учрашув Тошкент вақти билан 6 февралга ўтар кечаси 00:45 да бўлиб ўтиши керак эди. Ўйин қачон бўлиб ўтиши кейинроқ маълум қилинади.