"Селтик", "Копенгаген" ва "Боруссия"Д мухлислари ФИФА совринига даъвогарлик қилишмоқда

ФИФА жамоасини энг зўр қўллаб-қувватлаган мухлислар учун таъссис этилган совринга даъвогарлар рўйхатини эълон қилди.

Ушбу мукофотга “Селтик”, “Копенгаген” ва Дортмунднинг “Боруссия” клуби мухлислари даъвогарлик қилишмоқда.

Шотландия клуби ишқибозлари жамоанинг 50 йиллигига бағишлаб яратган перфоменси кўпчилик томонидан эътироф этилмоқда.

Дортмундлик мухлислар эса энг меҳмондўст ишқибоз сифатида ушбу совринга тавсия этилишган.

“Копенгаген” клуби эса чемпионликни нишонлаш арафасида майдонга имконияти чекланган мухлисларни таклиф қилган ва кубокни биргаликда кўтарган.

Эслатиб ўтамиз, ушбу мукофотни ўтган йили Дортмунд, Глазго ва Ливерпуллик ишқибозлар қўлга киритишган эди.