Сербия кортлари Жўрабекка омад келтирмоқда

Бугун Сербиянинг Златибор шаҳрида “Фьючерс” туркумига кирувчи турнирнинг асосий тўр баҳслари старт олди.

Ҳамюртимиз Жўрабек Каримов мукофот жамғармаси 15 000 АҚШ долларини ташкил этувчи мазкур мусобақадаги юришини  айнан бугун асосий тўр баҳсларидан бошлади.

Биринчи даврада теннисчимизга швейсариялик Максимилиан Гатев рақиблик қилди. Саралашдан чиққан ушбу теннисчи Жўрабекка қарши 1 соат 23 дақиқа кортда ҳаракат қилди ва якунда 4:6, 2:6 ҳисобида мағлуб бўлди.

Энди 19  ёшли Жўрабек иккинчи даврада черногориялик Любомир Целебичга қарши кортга чиқади.

Каримов шунингдек, ушбу турнирнинг жуфтлик баҳсларида ҳам иштирок этмоқда. Аргентиналик Мануэлб Хуан Лопес билан дуэт ҳосил қилган Жўрабек чорак финалда мезбонлар вакиллари Петар Пьечович/Милян Зекич дуэтига қарши кортга чиқди.

1 соат 5 дақиқа давом этган беллашувда Жўрабек ва унинг шериги 7:5, 6:0 ҳисобида ғалаба қозонди ва ярим финалга йўл олди.