Сергей Лушчан: "Локомотив"га қарши тайёргарлик бугундан бошланди

Ўзбекистон Кубоги 1/16 финалидн ўрин олган "Сўғдиёна" - "Металлург" (1:0) учрашувидан кейинги матбуот анжуманининг иккинчи қисмида "Сўғдиёна" устози Сергей Лушчан иштирок этди. Бу ҳақда клуб матбуот хизмати хабар бермоқда.

"Оғир ўйин ўтказдик. Об-ҳавонинг "инжиқ"лиги қайсидир маънода ўз таъсирини ўтказди. Ўйинда яратилган кўплаб вазиятлардан биридан фойдалана олдик. Рақиб эса ўйин охирида ҳисобни тенглаштириши мумкин эди. Аммо омад биз томонда эди. Ғалаба қозондик ва бундан хурсандмиз.

Бугундан бошлаб Суперлига доирасида "Локомотив"га қарши тайёргарлик бошланади. "Локомотив" - Ўзбекистондаги энг кучли жамоалардан бири, менимча. Таркибимизда бир қатор футболчилар жароҳатини даволаш билан банд. Албатта Тошкентдаги баҳсда очко олишга ҳаракат қиламиз. Олдимизда турган ҳозирги асосий мақсадимиз - қийин вазиятдан чиқиб кетиш", - деб айтиб ўтди Лушчан.

Фикрлар

Фикр қолдириш учун авторизациядан ўтинг!