"Севилья" 60 йиллик қора анъанага барҳам берди

Аввал хабар берганимиздек “Севилья” кеча УЕФА Чемпионлар лигаси 1/8 финал жавоб баҳсида “Манчестер Юнайтед”ни 2:1 ҳисобида мағлубиятга учратиб мусобақадаги юришини давом эттирадиган бўлди.

Эътиборлиси, андалусияликлар 60 йиллик танаффусдан сўнг яна ушбу мусобақанинг чорак финалида тўп сурадиган бўлишди. “Севилья” сўнгги марта 1957/58 йилги мавсумда ушбу мусобақанинг 1/4 финалида ўйнаган. Ўшанда ушбу турнир Европа чемпионлар кубоги деб номланар эди.

Эслатиб ўтамиз, ЕЧЛнинг чорак финал босқчига 16 март куни қуръа ташланади.