Шаҳзодбек Гран-при турнири шоҳсупасида

2 апрель,2017, 18:48 639

Шаҳзодбек Гран-при турнири шоҳсупасида

 

Тбилисида ташкил этилган Гран-При туркумидаги мусобақада 90 килограмм вазн тоифасида татамига чиққан Шаҳзодбек Собиров Ўзбекистон терма жамоаси ҳисобига медаль қўшди.

Ярим финалга чиқиш учун курашда россиялик Станислав Ретинскийга мағлуб бўлган ҳамюртимиз бронза медаль учун баҳс олиб борди. Шаҳзодбек дастлаб Европа ва Африка опен мусобақалари совриндори словакиялик Петер Жилка билан рақобатлашиб, уни икки дақиқада иппон баҳоси билан енгди.

Ниҳоят бронза медаль учун бўлган беллашувда венгриялик Габор Вер билан куч синашди ва учрашувнинг тўртинчи дақиқасида рақиби устидан соф ғалабага эришди.

SPORTS.uz