Shaqiri: "Liverpul" EChLda g‘olib chiqishi mumkin

"Liverpul" klubi yangi futbolchisi Sherdan Shaqiri jamoaning kelasi mavsumdagi asosiy vazifasi haqida o‘z fikrlarini bildirib o‘tdi.

– Umid qilamanki, men Evropa chempionlar ligasida yana muvaffaqiyat qozonaman. (Shaqiri "Bavariya" bilan 2013 yilda turnirda g‘alaba qozongan – "SPORTS.uz"). Men bunda qanday hissiyotlar bo‘lishi bilaman.

– Bu ajoyib taassurotlar! Bizning bunga kuchimiz etadi. Jamoamizda yaxshi futbolchilar ko‘p. Yangi mavsumni sabrsizlik bilan kutyapman. Yakunda esa sovrinlar yutamiz.

– Asosiy tarkib uchun raqobat oson bo‘lmaydi. "Liverpul"da har kim buning uchun kurashadi. Biroq bundan ko‘ra, muvaffaqiyat qozonish muhimroq. Butun mavsum uchun har bir futbolchi kerak bo‘ladi, – deydi Shakiri Sky Sports nashriga.