Шавкат Саломовнинг голи "Атирау"нинг ғалабасини таъминлади

Ҳамюртимиз Шавкат Саломов тўп сураётган Қозоғистоннинг “Атирау” клуби Туркиянинг Анталия шаҳридаги йиғинини давом эттирмоқда.

• Шавкат Саломов жамоаси эртага иккита ўртоқлик ўйини ўтказади

Олинган маълумотга қараганда, қозоғистонликлар кеча иккита ўртоқлик ўйинида майдонга тушишди. Хусусан, куннинг дастлабки урашуви Венгриянинг “Балмажуйварош” клубига қарши ташкиллаштирилган бўлса, куннинг иккинчи ярмида футболчилар Грузиянинг  “Чихура” клубига қарши саф тортишди.

Дастлабки ўйин 0:0 ҳисобидаги дуранг билан якунланган бўлса, куннинг иккинчи баҳсида қозоғистонликлар 2:0 ҳисобида ғалаба қозонди. Эътиборлиси ушбу ўйинда Шавкат Саломов голлардан бирига муаллифлик қилди.