Шахрам Ғиёсов тўлиқ устунлик билан рақибини мағлуб этди

Бокс бўйича Осиё чемпионати 69 кг вазн тоифасида қитъамиздаги тенгсиз боксчи ҳисобланган Шахрам Ғиёсовнинг иорданиялик Зияд Эашашга қарши жанги билан давом эттирилди.

Ҳамюртимизнинг тўлиқ устунлигида ўтган баҳсда Шахрам Ғиёсов ишончли ғалабани қўлга киритди.

Энди эса томошабинлар бошқа мамлакатлардан ташриф буюрган боксчилар иштирокидаги 3 та баҳсни кузатадилар. Ва ушбу жанглардан сўнг, рингга Бектемир Мелиқўзиев чиқиб келади (куннинг 13-жанг). Боксчимиз ўзининг «темир» зарбалари билан эронлик Амин Зядига «мастер-класс» ўтиб беришини тахмин қилиш қийин эмас.

18:00 дан бошлаб эса, Жасурбек Латипов (52 кг) Қирғизистон терма жамоаси вакили Азат Усеналиевга билан кураш олиб боради (куннинг 21-жанг).

SPORTS.uz Ахборот Портали мухбирлари Бокс бўйича Осиё чемпионатида қайд этилаётган натижаларни тезкорлик билан тақдим этиш мақсадида Ўзбекистон Спорт Мажмуасида иш олиб боришмоқда.

SPORTS.uz Ахборот Порталидан узоқлашманг.