Шералини АҚШда нокаут қилишди
Профессионал бокс бўйича Ўзбекистон чемпиони Шерали Мамажонов навбатдаги жангини АҚШда ўтказди.
Лас-Вегас шаҳрида ташкил этилган профессионал бокс кечасида ҳамюртимиз америкалик Давид Бенавидез қарши рингга чиқди. 29 ёшли Шерали Мамажонов профессионал боксчилик фаолиятини 2009 йилда бошлаган. Шу кунгача 15 та жанг ўтказиб, шулардан 14 тасида зафар қучган, еттита жангда муддатидан олдин ғалаба қозонган. Фақатгина бир маротаба Украинада ташкил этилган жангда Дмитро Никулинга очколар ҳисобида ютқазган эди.
Ҳамюртимизнинг рақиби 20 ёшли Давид Бенавидез катта рингда 2013 йилдан буён жанг ўтказмоқда. Шу кунгача 16 та жангда қатнашган америкалик боксчи барча рақибларини мағлуб этган ва ўта кучли зарбага эга боксчи 15 та рақибини муддатидан олдин енгган эди
Шерали ва Давид ўртасидаги саккиз раундлик жанг жуда тез тугади. Рақибининг кучли зарбаларини ўтказиб юборган ҳамюртимиз иккинчи раунднинг иккинчи дақиқаси бошланган пайтда техник нокаутга учради.
Шу тариқа Давид 17-ғалабасини нишонлаган бўлса, Шерали иккинчи мағлубиятини тан олди.
Ҳамюртимизга кейинги фаолиятида омад тилаймиз!
Фикрлар