Шоҳжаҳон Эргашев Африка чемпионини нокаут қилишга ваъда берди (видео)
Бугун Россиянинг Санкт-Петербург шаҳрида бўладиган профессионал бокс кечасида ўзбекистонлик нокаутчи Шоҳжаҳон Эргашев (8-0-0, 8 КО) фаолиятидаги тўққизинчи жангини ўтказади.
Шоҳжаҳон бу гал угандалик Ҳамза Семпевога қарши рингга чиқади. Етти йилдан буён профессионал рингда жанг қилаётган Ҳамза Семпево шу кунгача 14 та жангда зафар қучган ва олти маротаба мағлубиятини тан олган.
Бу боксчи икки вазн бўйича Уганда чемпиони, Шарқий ва Марказий Африка чемпионлик камари соҳибидир.
Шоҳжаҳон Эргашев бу рақибини нокаут қилишга ваъда берган видеолавҳасини SPORTS.uz ахборот порталига йўллади.
Шоҳжаҳон Эргашев ва Ҳамза Семпево ўртасидаги рейтинг жанги натижаси ва тафсилотларини SPORTS.uz сайтида кузатиб боринг!
Фикрлар