“Сўғдиёна” мураббийлар штабида яна ўзгариш

Жамоани шу кунгача бошқариб келган Александр Мочинов билан  шартнома бекор қилинганлиги ҳақида хабар берган эдик.

Жамоа раҳбарияти “Сўғдиёна” ҳали совринли ўринлар учун курашишини ва ҳеч ҳам қўл кўтармоқчи эмаслигини исбот қилишда давом этади. Клуб раҳбарияти халқаро майдонда ўзини кўрсата олган ва ўзбек футболида ўз ўрнига эга бўлган тажрибали мураббий Сергей Лушчанни жамоага таклиф қилди ва шартнома имзолади. Лушчан эндиликда ўзининг мураббийлар штаби ва дарвозабонлар мураббийи Игорь Михайлов билан бирга “Cўғдиёна” бошқарувида иш бошлади.

Шу ўринда яна бир маълумот. Мавсум бошидан буён “Сўғдиёна” мураббийлар штабида фаолият олиб борган Тимур Турдиев ва Микола Шевченко билан тузилган шартнома бекор қилинди.

Эслатиб ўтамиз, “Сўғдиёна” 11 апрель куни “Навбаҳор”га қарши баҳс олиб боради. Ушбу ўйинга жамоани Сергей Лушчан бошчилигидаги мураббийлар штаби тайёрлайди.