"Спортинг" Адриен Силванинг "Лестер"га трансфер қилинганини тасдиқлади

Лиссабоннинг “Спортинг” клуби ярим ҳимоячиси Адриен Силва фаолиятини “Лестер”да давом эттирадиган бўлди. Бу ҳақда клуб расмий сайти хабар тарқатмоқда.

Унга кўра “Спортинг” “туликлар” билан 28 ёшли хавбекнинг трансфери бўйича келишувга эришган. Португалияликлар Силва учун “Лестер”дан 29,5 миллион евро олишадиган бўлди.

Бундан ташқари “Спортинг” футболчининг келажакдаги трансферидан ҳам 15% миқдорида бонус олади.

Эслатиб ўтамиз, даставвал “Лестер” Силвани рўйхатдан ўтказишга 14 сония кеч қолгани учун ФИФА ушбу футболчини рўйхатдан ўтказишни рад этган эди.