Стивен Сигал: Кинода Амир Темур ролини ижро этишни истардим

Хабарингиз бор, эртага 9 сентябрь куни «Бунёдкор» стадиони «Asian Fight-2017» халқаро мусобақасига мезбонлик қилади. Мазкур жанглар кечасида 9 жангда 9 нафар спортчимиз юртимиз шарафини ҳимоя қилади.

Мазкур шоу нуфузини ошириш мақсадида таклиф этилган махсус меҳмон голливуд юлдузи – актёр, мусиқачи (қўшиқчи, гитарист), кинопродюсер, сценарист, кинорежиссёр, жанг санъатлари устаси (айкидо 7-дан белбоғи соҳиби) америкалик Стивен Сигал айни дамда пойтахтимиз бўйлаб саёҳатини давом эттирмоқда.

Кеча Тошкентга етиб келган меҳмон биринчи бўлиб, Ўзбекистон давлат санъат ва маданият институтига ташриф буюрди ва у ерда талабалар билан учрашди.

Тадбир сўнггида эса ўқувчилар, ОАВ ходимлари ва кенг жамоатчилик вакиллари билан матбуот анжумани ўтказилди ва уларни қизиқтирган саволларига жавоб қайтарди.

Ҳозирда Сигал Зангиота туманидаги "Бабос" от спорти саройида мастер-класс ўтмоқда.

Кечки соат 18:00 Сайилгоҳ кўчасида давом этаётган “Ўзбегим” фестивалига ташриф буюриши режалаштирилган.

Биздан узоқлашманг, воқеаларни кузатиб боришда давом этинг.

Фикрлар

Фикр қолдириш учун авторизациядан ўтинг!