Суперлига ўйинлари энди 18.00 дан кейин бошланади, легионерлар учун эса янги лимит жорий этилди

Ўзбекистоннинг профессионал футбол клублари ўртасидаги 2018 йил учун футбол бўйича мусобақалар регламенти тасдиқлангани борасида хабар берган эдик.

Ундан ЎФФ ҳамда ПФЛ байроғи остида ўтадиган мусобақалар тузилиши, формати, қатнашувчи клубларга қўйиладиган талаблар ўрин олган бўлиб, диққатга сазовор жиҳати – 2018 йил учун регламент олдинги йиллардагидан буткул фарқ қилади.

Жумладан, регламентга киритилган муҳим ўзгаришлардан бири – Суперлигада ўйинлар вақтининг энди 18:00дан кейин бошланишидир. ПРО-лигада ҳамда Ўзбекистон кубоги ўйинлари эса 17:00дан кейин старт олиши кўзда тутилган.

Яна Ўзбекистон Суперлигаси иштирокчи клублари энди 5 нафаргача хорижлик футболчиларни 4+1 форматида рўйхатдан ўтказиш имконига эга бўлишади. Сўнгги йилларда чемпионатимизда "легионер" дарвозабон ўйнаши мумкин эмас эди. Энди клублар хорижлик дарвозабонлар билан ҳам шартнома имзолашлари мумкин бўлади.

Қолаверса, клуб тизимида ишлайдиган ҳодимлар борасида ҳам аниқ лавозимлар бўйича қандай ишчилар фаолият олиб бориши регламентда кўрсатиб ўтилди.

Ушбу регламентни қуйидаги ҳавола орқали юклаб олиш мумкин.

Фикрлар

Фикр қолдириш учун авторизациядан ўтинг!