Таэквондочиларимиз Тунисга жўнаб кетди

Аввал, таэквондо (WTF) бўйича Ўзбекистон ўсмирлар терма жамоаси Туниснинг Хаммамет шаҳрида ўтказиладиган Жаҳон чемпионати ва  Аргентинада ўтказиладиган III ўсмирлар Олимпия ўйинларига саралаш мусобақасида иштирок этиши ҳақида хабар берган эдик.

Бугун, эрта тонгда спортчиларимиз Ислом Каримов номидаги Тошкент халқаро аэропортидан Тунисга жўнаб кетди.

6-13 апрелга қадар ўтказиладиган ушбу мусобақаларда спортчиларимиз қуйидаги таркибда қатнашадилар.

III ўсмирлар Олимпия ўйинларига саралаш мусобақасида -48 кг Рашидов Улуғбек, -63 кг Жайсунов Жасур, -73 кг Хамидуллаев Абдулазиз, -49 кг Маннопова Мадинабону, -55 кг Собиржонова Озода, -63 кг Садикова Феруза иштирок этади.

Саралаш мусобақасида кучли саккизталикка кирган спортчилар Олимпия ўйинларига йўлланма олади.

Шундан сўнг, -45 кг Тураев Амир, -48 кг Ибрагимов Бегзод, -51 кг Рашидов Улуғбек, -55 кг Жураев Шахзод, -59 кг Марозов Данил, -63 кг Жайсунов Жасур, -68 кг Туҳлибоев Диёр, -73 кг Хамидуллаев Абдулазиз, -44 кг Абдулалимова Интизор, -46 кг Маннопова Мадинабону, -49 кг Шамсиева Азиза, -52 кг Собиржонова Озода, -55 кг Абдулхаева Дурдона ва -63 кг Садикова Феруза жаҳон чемпионати баҳсларида иштирок этади.

Мусобақаларда умидли спортчиларимизга Собир Назаралиев ва Жасур Бойқўзиев мураббийлик қилади.

Фикрлар

Фикр қолдириш учун авторизациядан ўтинг!