Таниш-билишчилик Францияда ҳам бор ёҳуд Рибери укасини футболчи қилиш учун 35 минг евро тўлаган
Мюнхеннинг “Бавария” клуби ярим ҳимоячиси Франк Рибери укаси Франсуага Франция 3-двизионида иштирок этувчи жамоада ўйнаши учун ёрдам бергани маълум бўлди.
Гап шундаки, 34 ёшли футболчи “Байонна” клубига ўйин лицензиясини олиши учун кетган ҳаражатларни қоплашга 33-35 минг евро ўтказиб берган. 2010 йилда бўлиб ўтган ушбу воқеани агент Кристоф Хатт ўз китобида ошкор қилди.
“Байонна” клуби хўжайини Жан-Пьер Мейнард ҳам жамоа Риберидан ушбу маблағларни олганлигини тасдиқлади.
30 ёшли Франсуа Рибери эса бу жамоада бор йўғи 3та учрашувда майдонга тушди. Жароҳатлар гирдобига тушиб қолган футболчининг асосий вақти даволанишга кетди.
Фикрлар