Тарихий ҳақиқат ёхуд Саласнинг қайсарлиги Роналду ҳаётини ўзгартириб юборгани ҳақида

 

2016 йилнинг энг яхши футболчиси Криштиану Роналду аслида "Ювентус" юлдузига айланиши керак эди. Бироқ, Турин клубида тўп сурган чилилик ҳужумчи Марсело Саласнинг қайсарлиги португалиялик истеъдод эгасининг тақдир йўлларини ўзгартириб юборган экан.

"Ювентус" клубининг собиқ спорт директори Жанни Ди Марцио аслида 2002 йили Криштиану Роналдуни айнан у топганини ва бу тасодифан юз бергани ҳақида гапириб берди.

Жанни Ди Марционинг айтишича, у 2002 йили "Спортинг" жамоасининг энг истеъдодли футболчиси Рикарду Куарежманинг ўйинини кузатиш учун Португалияга борган. Бироқ, шу куни Куарежма ўйинга туширилмаган. Лекин майдонда жавлон урган бошқа ёш футболчи - Криштиану Роналдунинг ўйини унда катта таассурот қолдирган.

- Мен "Ювентус"да фаолият олиб борганимда Криштиану 18 ёшда эди, - дейди Жанни Ди Марцио. - Мен бу йигитчанинг футбол юлдузи бўлиши пайқадим. Дарров клуб билан боғланиб, Роналдуни Туринга олиб келдим. "Ювентус" уни чилилик ҳужумчи Марсело Саласга алиштирмоқчи бўлди. Лекин қайсарлик қилган Салас бир неча миллионни кўзлаб, бошқа клубга ўтишга рози бўлмади. Оқибатда Роналдудек футболчи қўлдан чиқди.

Жанни Ди Марцио бу воқеани Криштиану Роналдунинг агенти ҳам тасдиқлаши мумкинлигини таъкидлади.

Кейинчалик Криштиану Роналду "Манчестер Юнайтед"га ўтди ва футбол юлдузига айланди. 

SPORTS.uz

Фикрлар

Фикр қолдириш учун авторизациядан ўтинг!