“Таshkent Open” да дастлабки ярим финалчилар номи маълум бўлди

Хабарингиз бор, айни кунларда пойтахтимиз Тошкентда WТА туркумидан ўрин олган “Tashkent Open” турнири бўлиб ўтмоқда. Кеча мукофот жамғармаси 250 000 АҚШ долларини ташкил этувчи турнирнинг чорак финал баҳсларига старт берилди.

Дастлаб кортга украиналик Катерина Козлова беларуслик Арина Сабаленкога қарши баҳс юритиш учун чиқиб келди. 2 соат 8 дақиқа давом этган қарама-қаршиликда Сабаленко 7:6, 3:6, 6:1 ҳисобида ғалабага эришди  ва дастлабки ярим финалчига айланди.

Иккинчи баҳсда эса швейсариялик Штефани Фёгелега  турнирнинг иккинчи ракеткаси Тимеа бабош(Венгрия) билан куч синашди. 1 соат 3 дақиқа давом этган беллашувда тажриба ўз сўзини айтди ва венгриялик теннисчи ярим финал йўлланмасига эга бўлди.