Тавбасига таянган Моуриньо Роналдуга қўнғироқ қилиб, узр сўради

27 март, 00:05 1330

Тавбасига таянган Моуриньо Роналдуга қўнғироқ қилиб, узр сўради

 

 

"Манчестер Юнайтед" бош мураббийи Жозе Моуриньо "Реал"да ишлаган пайтида мадридликлар етакчиси Криштиану Роналду билан юзага келган можаро учун айбини тан олиб, португалиялик футбол юлдузига қўнғироқ қилди ва узр сўради.

Маълумотларга қараганда, Жозе Моуриньо ўзи Португалия терма жамоасини бошқармагунча Криштиану Роналду ўз юрти бош жамоаси билан ҳеч нарсага эришолмаслигини айтган. Моуриньонинг бу гапи табиийки Криштиануга ёқмаган ва ўртада жанжал чиққан.

2016 йилнинг ёзида Криштиану Роналду Португалия терма жамоаси сафида Европа чемпиони бўлди.

Мана орадан ярим йилдан ошиқ вақт ўтиб, Жозе Моуриньо португалиялик футболчидан номақбул гаплари учун узр сўрашга ўзида куч топа олди.

SPORTS.uz

Ижтимоий тармоқлар

Бизни ижтимоий тармоқларда кузатиб боринг!

.