Теннис қироли Мария Шараповани ҳафа қилди
Жаҳон рейтингида пешқадамлик қилаётган британиялик теннисчи Энди Маррей допинг можароси туфайли катта теннисдан четлатилган россиялик Мария Шараповани ҳафа қилди.
Мария Шарапова шу йилнинг 26 куни катта теннисга қайтиш учун рухсат олган. Қатор турнирлар ташкилотчилари жаҳон рейтингида ўз мавқеини йўқотган Мария Шараповага мусобақаларнинг асосий тўрида қатнашиш учун махсус рухсатнома - wild card тақдим этмоқда.
Хусусан, Рим турнири ташкилотчилари ҳам 1 март куни Мария Шараповага махсус рухсатнома берди. Энди Маррей бунга салбий муносабат билдирди.
- Турнир ташкилотчилари машҳур теннисчиларни жалб этиш орқали кўпроқ чипта сотиб, даромад олишни биринчи ўринга қўйишади, - деди Энди Маррей. - Аслида теннисчилар ўз меҳнати билан нуфузли турнирларга йўлланма олиши керак. Мария Шарапова рейтингдаги мавқеини ўз ўйини билан яхшилаш салоҳиятига эга. У wild card берилишига муҳтож эмас.
Мария Шарапова бир ярим йиллик танаффусдан сўнг илк расмий учрашувини 26 март куни Штутгарт турнирида ўтказади.
Фикрлар