Тевес қачон фаолиятини якунлашини маълум қилди
“Бока Хуниорс” клуби ва Аргентина терма жамоаси собиқ ҳужумчиси Карлос Тевес келаси мавсум охирида фаолиятини якунлашини маълум қилди, дея хабар беради Football Italia нашри.
– Мен келаси мавсум охирида шартнома муддати якунига етганидан сўнг футболни тарк этаман. Бошқа клубга ўтмайман. Шунчаки кетаман. Дарров мураббийлик фаолиятимни бошламайман. Бунинг учун олдин тайёргарлик кўриш керак, – дея Тевеснинг сўзларини келтиради Canal 13 нашри.
34 ёшли аргентиналик футболчи Англиянинг “Вест Хэм”, “Манчестер Юнайтед” ва “Манчестер Сити” ҳамда Туриннинг “Ювентус” ва Хитойнинг “Шанхай Шеньхуа” жамоаларида тўп сурган.
Тевес уч карра Англия чемпиони, ЕЧЛ ғолиби, икки карра Италия чемпиони ва 2008 йилги Олимпия ўйинлари олтин медали соҳиби.
Аргентина термасида 76 ўйинда 13 голга муаллифлик қилган.
Фикрлар