Тезкор хабар! "Эл-класико" санаси ўзгарди

Испания Ла Лигасининг 17-туридан ўрин олган “Реал” ҳамда “Барселона” жамоалари ўртасидаги баҳснинг бўлиб ўтиш санаси аниқ бўлди.

Унга кўра “қироллик клуби” каталонияликларни 23 декабрь шанба куни маҳаллий вақт билан соат 13:00да “Сантьяго Бернабеу”да қабул қилади.

Таъкидлаш лозимки, дастлаб ушбу учрашув 20 декабрь санасида ўтказилиши эълон қилинган эди. Marca нашрининг хабар беришича ўйин санасининг кўчирилиши “қироллик клуби”нинг 6-16 декабрь кунлари БААда бўлиб ўтадиган клублар ўртасидаги жаҳон чемпионатидаги иштироки билан боғлиқ.