Тезкор хабар! "Насаф" ЖЧда ўйнаган футболчини ўз сафига қўшиб олди

Қаршининг "Насаф" клуби Бобир Давлатовни ўз сафига қўшиб олганлигини маълум қилди. Муқаддам Муборакнинг “Машъал”, Қозоғистоннинг “Жетису” ва “Актобе”, Россиянинг “Нефтехимик” ҳамда Тошкентнинг “Локомотив” клубларида тўп тепган футболчи энди “Насаф” клуби шарафини ҳимоя қилади.

Бобир Давлатов шунингдек мамлакатимизнинг U-17, U-19 терма жамоаларида ҳам ўйнаган.

Кўпчилик унинг 2011 йил Мексика майдонларида ўтган ўсмирлар (U-17) ўртасидаги ЖЧдаги ўйинлари орқали яхши эслайди.