Тезкор хабар: Қудратилло Африка чемпионини нокаут қилди

  • 10 февраль, 2017, 18:36
  • 0
  • Бокс
 

 

Сингапурда профессионал бокс кечасида рингга чиққан ҳамюртимиз Қудратилло Абдуқаҳҳоров фаолиятидаги ўнинчи жангинида Танзания рейтингида биринчи ўринни эгаллаб турган Идд Пиаларига (17-2-0, 12 КО) қарши ўтказди.

 

Қудратилло Абдуқаҳҳоровнинг мураббийи Илгар Алиевнинг SPORTS.uz ахборот порталига маълум қилишича, боксчимизнинг жанги ҳозиргина якунланди.

Қудратиллонинг рақиби Идд Пиалари профессионал боксчилик фаолиятини 2009 йили бошлаган. Ўтган йили бу боксчи Universal Boxing Organization (UBO) - Универсал бокс ташкилоти йўналиши бўйича Африка чемпионлик камарини қўлга киритди. Мутахассислар бу боксчининг ўта кучли зарбага эга эканини таъкидлашаётган эди.

Бироқ, Сингапурдаги жангда Қудратилло африкалик рақибидан ҳар томонлама устунлигини намойиш этди. 12 раунд қилиб белгиланган жангнинг учинчи раундида ўзбек боксчиси рақибини кучли зарба билан нокаутга учратди.

Бу жанг ҳамюртимиз учун чемпионлик баҳсига тайёргарлик вазифасини ўтайди. Шу йилнинг 25 март куни Қудратилло зимбабвелик Африка чемпиони Чарльз Манючига қарши WBC Silver – кумуш камари учун жанг қилади.

Сингапурдаги профессионал бокс кечасининг асосий жангида Азизбек Абдуғофуров WBC йўналиши бўйича Asian Boxing Council middleweight title - Осиё чемпионлик камарини таиландлик Сиримонгкол Эамтуамдан ҳимоя қилади.

Натижалар билан SPORTS.uz порталида танишиб боринг!

SPORTS.uz

Фикрлар

Фикр қолдириш учун авторизациядан ўтинг!