“Тоттенхэм” ўз таркибини кучайтирмоқчи

Лондоннинг “Тоттенхэм” жамоаси “Эвертон” клуби жамоаси ярим ҳимоячиси Росс Барклига қизиқиш билдирмоқда.

Daily Mail нашрининг маълум қилишича, Лондон клуби вакиллари қишки трансфер ойнаси очилиши билан Баркли бўйича “Эвертон”га таклиф юборади. Англиялик футболчининг трансфери 22–25 миллион еврога баҳоланмоқда.

Қайд этиш керакки, ёзги трансфер масумида “Тоттенхэм” Росс Барклини ўз сафига қўшиб олмоқчи бўлганди. Бироқ трансфер амалга ошмаганди.

Маълумот учун, Росс Барклининг “Эвертон” билан амалдаги шартномаси 2018 йилнинг ёзигача мўлжалланган.