Трансферлар учун энг кўп пул ишлатган мураббийлар топ-7 лиги

Кўпчилик машхур мураббийларнинг муваффақиятини унинг мохир мутахассислигида эмас, балки қўл остида кучли футболчилари борлиги билан боғлайди.  Буни қанчалик ҳақиқатга яқинлигини улар томонидан амалга оширилган трансферларнинг умумий нарҳи билан текшириб кўришимиз мумкин бўлади.

“Манчестер Юнайтед” сотган қимматбаҳо футболчилар. Топ-5

Хосеп Гвардиола

Жамоалари: "Барселона", "Бавария" ва "Манчестер Сити"

Нечта футболчи сотиб олди: 40

Трансферлар учун сарфланган маблағ: 758,5 млн евро

Замонавий футболнинг мохир мураббийларидан бири саналадиган Пеп салкам 10 йилда 40 футболчини сотиб олиш учун 758,5 млн евро сарф этди. Бу Гвардиола жаноблари ҳар бир футболчи учун ўртача 18,9 млн евро сарф этди деганидир. Гвардиоланинг жамоалари ҳар йили қандайдир совринни қўлга киритиб келган. Бироқ бу мавсум испаниялик мураббий ўз кучини Англияда синаб кўришга қарор қилди. "Манчестер Сити" ёзда янги футболчилар учун 213 млн евро сарф этганини таъкидлаш жоиз.

Клаудио Раньери

Жамоалари: "Наполи", "Фиорентина", "Валенсия", "Атлетико", "Челси", "Парма", "Ювентус", "Рома", "Интер", "Монако" ва "Лестер"

Нечта футболчи сотиб олди: 87

Трансферлар учун сарфланган маблағ: 759,88 млн евро

Мухлислар томонидан "омадсиз мураббий" тамғаси босилган Раньери ундай эмаслигини ўтган мавсумда исботлашга эришди. "Лестер"нинг амалдаги мураббийи ўзи бошқарган 11 та клубда 87 нафар футболчини ҳарид қилган бўлиб, улар учун жами салкам 760 млн евро сарф этган.

Сер Алекс Фергюсон

Жамоалари: “Ист Стерлингшер”, “Сент-Миррен”“Абердин”, “Манчестер Юнайтед”

Нечта футболчи сотиб олди: 94

Трансферлар учун сарфланган маблағ: 790,35 млн евро

Футбол тарихидаги энг совриндор мураббийлардан бири бўлган Фергюсон 39 йиллик мураббийлик фаолияти давомида трансферлар учун салкам 800 млн евро сарф этган. Бу маблағларга эса шотландиялик мутахассис 94 нафар футболчини ҳарид қилган. Албатта, бу рақамларнинг аксарияти Фергюсон 25 йил ишлаган – “МЮ”га тегишлидир. Ҳисоб-китобларга кўра Ферги жаноблари ҳар бир футболчи учун ўртача 8,4 млн евро сарф этган.

Арсен Венгер

Жамоалари: “Нанси”, “Монако”, “Нагоя Грампус”, “Арсенал”

Нечта футболчи сотиб олди: 98

Трансферлар учун сарфланган маблағ: 808,38 млн евро

Салкам 20 йилдан буён “Арсенал”ни бошқариб келаётган мсе Венгер трансферлар учун 808 млн евро сарфлаган. Албатта, бу қадар катта сумманинг бош сабабчилари Ўзил, Санчес, Жака, Мустафи ва Чехлардир. Бу футболчилар учун “тўпчилар” юқоридаги сумманинг   ¼ қисмини сарф этишган.

Мануэль Пеллегрини

Жамоалари: “Вильяреал”, “Реал”, “Малага”, “Манчестер Сити”

Нечта футболчи сотиб олди: 65

Трансферлар учун сарфланган маблағ: 856,55 млн евро

Пеллегрини трансфер бозорида 850 млн евродан ортиқ ҳаражат қилган. Боз устига бунча пулга бор-йўғи 65 нафар футболчи сотиб олингани диққатга сазовор. Ўртача чилилик мутахассис ҳар бир футболчи учун 13,1 млн евродан сарф этганини кўришимиз мумкин. Дарвоқе, бу сумма фақат Пеллегрини ишлаган Европа қитъасидаги жамоаларга тегишли эканлигини айтиш ёдимиздан кўтарилибди.

Трансферлар учун миллиард сарфлаган икки мураббийдан бири Карло Анчелоттидир. Анчелотти доимо “ўзига тўқ” жамоаларда фаолият юритган ва шу боисдирки, италиялик мутахассис катта ҳаридларни “чўчимай” амалга ошириб келади. Албатта, шунча маблағ сарфлаганга яраша, совинлар ҳам Анчелоттида бисёрдир.

Жозе Моуриньо

Жамоалари: “Порту”, “Челси”, “Интер”, “Реал”, “МЮ”

Нечта футболчи сотиб олди: 90

Трансферлар учун сарфланган маблағ: 1,27 млрд евро

Моуриньо футболчи сотиб олиш учун сарф этган маблағларга бемалол катта корхона қуриш мумкин. Ахир 1,2 миллиард евро озмунча маблағ эмас. “Беъназир” ҳам Анчелотти сингари “бадавлат” жамоаларда ишлаб келади. Биргина ўтган трансфер бозорида португалиялик мутахассис 3 футболчи(Погба, Мхитарян ва Байи) учун 200 млн евронинг баҳридан кечди. Бу пулларнинг ярмидан кўпи Погба учун сарф этилганидан хабарингиз бўлса керак.

АПЛда энг кўп ўйин ўтказган  5 футболчи

Шаҳзод Холбоев тайёрлади