Туркияга етиб борган “Нефтчи” бугундан машғулотларга киришади

Хориж йиғинини ўтказиш учун Туркияга йўл олган “Нефтчи” ПФК делегацияси Анталия шаҳрига етиб борди. Бу ҳақда клуб матбуот хизмати хабар бермоқда.

Манбанинг маълум қилишича, клуб вакиллари шаҳардаги "IC Green" меҳмонхонасига жойлашишди. Жамоа бугун оқшом Анталиядаги илк машғулотларини ўтказади.

Эслатиб ўтамиз, Андрей Фёдоров шогирдлари 7 февраль куни хориж йиғинидаги илк назорат баҳсида "Пирин" клубига қарши беллашишади.