УЕФА ЖЧ-2026да 16та йўлланмадан камига рози эмас
УЕФА 48та терма жамоа иштирок этиши тасдиқланган ЖЧ-2026да 16та йўлланмани қўлга киритишни режалаштирмоқда. Бу ҳақда ташкилот президенти Александер Чеферин айтиб ўтди.
“Биз камида 16та ўринни қўлга киритишга ҳаракат қиламиз. Бу билан биз Европа жамоаларининг барча гуруҳлардаги иштирокини таъминлаймиз”, - дейди Чеферин.
Эслатиб ўтамиз, Шимолий Америка қитъасида ўтадиган мундиалда 48та терма жамоа қатнашиши ФИФАнинг шу йил 10 январдаги конгресида қабул қилинган ва мусобақада иштирок этувчи қитъалар учун тахминий квоталарни ҳам эълон қилган эди. Унга кўра УЕФАга (Европа) 16та, КАФга (Африка) 9,5та, ОФКга (Осиё) 8,5та, КОНМЕБОЛга (Жанубий Америка) 6,5та, КОНКАКАФ (Шимолий Америка) - 6,5та ҳамда Океания минтақасига 1та ўрин ажратади.
Фикрлар