UFC чемпиони Альварес Нурмагомедовни "соҳта чемпион"лигига шаъма қилди

Аралаш яккакурашлар енгил вазн тоифасидаги собиқ чемпиони Эдди Альварес Хабиб Нурмагомедовнинг чмпионлик камарини қўлга киритгани ҳақида ўз фикрини билдирди.

- Ким Хабибнинг кейинги рақиби бўлиши менга ноаниқ, шу тариқа ўз эътиборимни бу саволга қаратмагнман. Чемпионлик камари учун баҳсда иштирок этиш имкониятини Порьега берилса мен унга омад тилайман.

Энг қизиқарлиси шуки, Хабиб аввалроқ шу вазн тоифасидаги чемпионларни “қоғозда чемпион”, ёки “соҳта чемпион”  дея атарди. Нурмагомедовга шуни эслатмоқчиман: Сен UFC рейтингида 11-ўринни эгалаб турган жангчини мағлуб этиб чемпионликни қўлга киритдинг.

Мен чемпионлик учун жанг қилганимда, UFC рейтингидаги топ-5 жангчилардан бири билан октагонда курашганман ва ана шу йўл – Чемпионлик сари йўл эди!, - дея Алвареснинг сўзларидан иқтибос келтиради MMA Junkie нашри.