Уимблдон. Ярим финалчилар номи маълум бўлди

Бугун “Катта дубулға” туркумига кирувчи Уимблдон турнирида тўртинчи чорак финал ўйинлари бўлиб ўтди.

Соврин жамғармаси 31 600 000 фунтни ташкил этувчи турнирнинг аёллар ўртасидаги мусобақасида бир қатор қизиқарли қарама-қаршиликлар бўлиб ўтди.

Аввалига, Жаҳоннинг биринчи ракеткаси Анжелика Керберни турнирдан чиқариб юборган испаниялик Гарбинье Мугуруса чорак финалда россиялик Светлана Кузнецовани мағлуб этди ва ярим финалга чиқди.

Кербернинг турнирдан чиқиб кетишидан, Симона Халеп унумли фойдаланиб, жаҳон теннис тожини ўзиники қилиши мумкин эди. Бунинг учун руминиялик ракетка устаси чорак финалда мезбон теннисчиси Йоханна Контани мағлуб этиши лозим эди. Бироқ Халеп бу ишни уддалай олмади ва жаҳоннинг биринчи ракеткаси бўлиш имкониятини қўлдан бой берди.

Қуйида шу ва бошқа натижалар билан таништирамиз.

Гарбинье Мугуруса (Испания) – Светлана Кузнецова (Россия) 6:3 6:4

Йоханна Конта (Буюк Британия) – Симона Халеп (Румыния) 6:7 7:6 6:4

Винус Уильямс (АҚШ) – Алена Остапенко (Латвия) 6:3 7:5

Магдалена Рыбарикова (Словакия) – Коко Вандевей (АҚШ) 6:3 2:2

Фикрлар

Фикр қолдириш учун авторизациядан ўтинг!