Улуғбек Собиров Георги Жинхарадзега қарши (фото)

 Профессионал рингда мағлубият нималигини билмай келаётган боксчимиз Улуғбек Собиров бешинчи жангини анчайин тажрибали грузиялик Георги Жинхарадзега қарши ўтказди. Бу боксчи бу жангга қадар профессионал рингда 24 жанг ўтказиб, 14 ғалаба ва 10 мағлубият қайд этган.

69,8 кг вазнда 6 раунд этиб белгиланган жанг боксчиларнинг тенг курашлари остида бошланди, бироқ иккинчи раунд бошида андижонлик боксчимиз биргина аниқ зарбаси билан рақибини техник нокаутга учратди.

Эслатиб ўтамиз, кечанинг асосий жангида Азиз Абдуғофуров (10-0-0, КО4) россиялик Дмитрий Чудинов (21-2-2, КО13 -Россия) билан WBC Silver камари учун кураш олиб боради.