Умид Рустамов рақибини техник нокаутга учратди

Тошкентда бўлиб ўтаётган профессионал жангларда 8 нафар боксчимиз хорижлик чарм қўлқоп усталари билан куч синашмоқда.

Кечанинг навбатдаги жангида ҳамюртимиз Умид Рустамов профессионал рингдаги тўртинчи жангини грузиялик Давид Рибаконига қарши ўтказди. Бу боксчи бугунга қадар 43 та жанг ўтказиб, 18 ғалаба, 9 мағлубият ва 5 дуранг қайд этган эди.

10 раунд қилиб белгиланган тўқнашувни ҳар икки боксчи эҳтиёткорлик билан бошлашди, бироқ иккинчи раундда Умид фаолликни оширди. 

Учинчи раундга келиб Умид рақибини нокдаунга учратди, аммо жангни давом эттиришни истаган боксчи зарбалар остида қолиб кетди ва рингга йиқилди. Нокаут!

Эслатиб ўтамиз, кечанинг асосий жангида Азиз Абдуғофуров (10-0-0, КО4) россиялик Дмитрий Чудинов (21-2-2, КО13 -Россия) билан чемпионлик учун кураш олиб боради.