Унаи Эмери: Венгер ПСЖни бошқаришга қодир

ПСЖ клуби бош мураббийи Унаи Эмери жамоа бошқарувига Арсен Венгернинг келиши борасидаги хабарларга ўз муносабатини билдириб ўтди.

“Венгер дунё футболида ўзига ҳос аҳамият касб этади. Мен уни нафақат мураббий сифатида, балки инсон сифатида ҳам қаттиқ хурмат қиламан. У ПСЖни бошқаришга қодир”, - дейди испаниялик мутахассис.

Эслатиб ўтамиз, жорий ҳафта 68 ёшли франциялик мутахассис 22 йиллик фаолиятидан сўнг “Арсенал”дан кетиши ҳақида эълон қилган эди.