"Uzbek Tigers" жангга отланди ёхуд рингга чиқадиган таркиб эълон қилинди!
Бокс оламида энг нуфузли мусобақага айланиб бораётган The World Series Boxing (WSB) - Бутунжаҳон бокс серияларининг VII мавсуми 3 февраль куни старт олади.
Ўтган мавсумда илк маротаба иштирок этиб, ярим финалгача етиб борган Ўзбекистоннинг "Uzbek Tigers" жамоаси янги мавсумни Хитойнинг "China Dragons" жамоасига қарши жанг билан бошлайди.
Кўплаб мухлису мутахассислар эътиборида турган бу учрашувга 3-4 февраль кунлари Хитойнинг Санья шаҳри мезбонлик қилади. Мусобақанинг биринчи куни боксчилар вазн ўлчаш маросимида қатнашади. 4 февраль куни беш вазн тоифасида жанглар бўлиб ўтади.
Мусобақанинг дастлабки босқичида жами 12 та жамоа учта гуруҳга бўлинган ҳолда ўзаро куч синашишади. Энг кучли икки жамоа бош соврин учун курашни давом эттиради.
"Uzbek Tigers" боксчилари "С" гуруҳида Хитойнинг "China Dragons", Россиянинг "Russian Boxing Team" ва Қозоғистоннинг "Astana Arlans Kazakhstan" жамоалари билан рақобатлашади.
"Uzbek Tigers" жамоасининг "China Dragons" билан бўладиган учрашувига мураббийлар қуйидаги боксчиларни жалб қилди:
49 кг: Мироншоҳ Иброҳимов
56 кг: Абдулҳай Шораҳматов
64 кг: Элнур Абдураимов
75 кг: Улуғбек Ҳақбердиев
91 кг: Бобурбек Йўлдошев
Жамоанинг мураббийлар ўтабига Тўлқин Қиличев ва Раҳматжон Рўзиохунов киритилди. Равшан Хўжаев ҳакамлар таркибидан жой олади.
Фикрлар