Вальбуэна номаълум муддатга сафдан чиқди

Франциянинг “Лион” клуби ярим ҳимоячиси Матьё Вальбуэна жароҳат олди. 32 ёшли хавбек Франция чемпионатининг 24-турида “Нанси”га қарши (4:0) баҳсининг 39-дақиқасида рақиб дарвозасини ишғол этган ва шундан сўнг заҳирага олинган эди.  

L’Equipe нашрининг маълум қилишича футболчи устидан ўтказилган тўлиқ тиббий кўриклар унинг чап сонидан жароҳат олганлигини тасдиқлаган. Футболчининг қачон майдонга қайтиши номаълум. Лекин шуниси аниқки у чемпионатнинг навбатдаги 25-турида “Генгам” клубига қарши ўйнай олмайди.

Маълумот учун, Вальбуена ушбу мавсум “Лион” сафида 18та ўйинда майдонга тушган ва ўз ҳисобига 6та гол ҳамда 3та голли узатма ёздириб қўйишга эришган.