"Валенсия" кейинги тур "Барселона"га қарши бош мураббийисиз ўйнайди

Испания футбол федерацияси тартиб – интизом қўмитаси “Валенсия” клуби бош мураббийи Марселино Торални 2та ўйинга дисквалификация қилди.

Ташкилотнинг бундай қарорга келишига Торалнинг ўтган тур “Эспаньол”га (0:2) қарши ўйинда учрашув ҳакамига нисбатан билдирган кескин эътирози сабаб бўлган. Айтиш лозимки, 52 ёшли мутахассис ушбу ўйинда майдондан четлатилган эди.

Таъкидлаш керакки, юқоридаги ҳолат юзасидан “Валенсия”нинг берган апелляциясидан сўнг ҳам, ташкилот ўзининг бу борадаги қарорини ўзгартирмади.

Энди “кўршапалаклар” Ла Лиганинг бўлажак 2та учрашувини (“Барселона” ва “Хетафе”) бош мураббийсиз ўтказишларига тўғри келади.

Фикрлар

Фикр қолдириш учун авторизациядан ўтинг!